Aishwarya Rai: దిగ్గజ దర్శకులు మణిరత్నం తెర‌కెక్కించిన తాజా చిత్రం పీఎస్2. చియాన్ విక్రమ్, ఐశ్వర్య రాయ్ , జయం రవి, కార్తి, త్రిష, శోభిత ధూళిపాళ వంటి భారీ తారాగణంతో ఈ చిత్రం రూపొంద‌గా, ఏప్రిల్ 28న ప్రపంచవ్యాప్తంగా విడుదల కానుంది.
ఈ మేరకు దేశవ్యాప్తంగా పెద్ద ఎత్తున ప్రమోషన్స్ నిర్వ‌హిస్తున్నారు. తాజాగా ముంబైలో జరిగిన ప్రమోషనల్ ఈవెంట్‌లో మాజీ మిస్ వరల్డ్, బాలీవుడ్ స్టార్ ఐశ్వర్య రాయ్.. తన గురు, డైరెక్టర్ మణిరత్నం పాదాలకు నమస్కరించ‌డం అందరి దృష్టిని ఆక‌ర్షించింది.
ముంబైలో మంగళవారం జరిగిన ‘చోళ టూర్’ ప్రమోషనల్ ఈవెంట్‌లో ఇలాంటి స్పెష‌ల్ మూమెంట్ చోటు చేసుకుంది. ప్ర‌స్తుతం ఇందుకు సంబంధించిన పిక్ నెట్టింట తెగ హ‌ల్‌చ‌ల్ చేస్తుంది.
కాగా, ఐశ్వర్య రాయ్ 1994లో మిస్ వరల్డ్ కిరీటం పొందిన తర్వాత ఇరువర్ (తెలుగులో ఇద్దరు) చిత్రం ద్వారా సినీ ఇండస్ట్రీలోకి నటిగా ఎంట్రీ ఇచ్చిన విష‌యం తెలిసిందే..
మణిరత్నం ఈ చిత్రానికి ద‌ర్శ‌కుడు కాగా, ఆ తర్వాత కూడా ఐష్.. మణిరత్నం డైరెక్షన్‌లో ‘గురు, రావణ్’ వంటి చిత్రాల్లో క‌నిపించి అల‌రించింది. ఇప్పుడు ‘పొన్నియిన్ సెల్వన్’తో మరోసారి ఈ కాంబినేషన్ ప్రేక్షకుల‌కి మంచి ఫీస్ట్ అందిస్తుంది.
also read :
Gold Rates Today ((26-04-2023) : ఈరోజు బంగారం, వెండి ధరలు ఇలా..