Aishwarya Rai: అందం అనే మాట‌కు స‌రికొత్త అర్ధం చెప్పిన అందాల ముద్దుగుమ్మ ఐశ్వర్యరాయ్. నీలిక‌ళ్ల‌తో, అందంతో, న‌ట‌న‌తో ఎంతో మంది మ‌న‌సులు దోచుకుంది. రేపు నవంబర్ 1 న ఐశ్వర్యరాయ్ పుట్టిన రోజు (1 November 1973). ఈ సంవత్సరం ఆమెకు 49 ఏళ్లు నిండుతున్నాయి.
ఐశ్వర్యరాయ్ చుట్టూ పలు వివాదాలు కూడా న‌డిచాయి. ప్రపంచ సుందరి కిరీటం దక్కించుకున్న తర్వాత సినిమా రంగ ప్రవేశం చేసినప్పటి నుండి ఇప్పటి వరకు ఐశ్వర్యరాయ్ ప్రయాణం సాఫీగా ఏమాత్రం సాగలేదు.
ఐష్ జీవితంలో ఎన్నో ఎత్తు పల్లాలు కెరీర్లో ఎదురయ్యాయి. ఫిల్మ్ ఇండస్టీలో ఆమె టాప్ హీరోయిన్‌గా ఎదగడానికి ఆమె అందం, పెర్ఫార్మెన్స్ మాత్రమే కాదు….వివాదాలు కూడా ఓ కారణం అని చెప్పాలి.
ఐశ్వర్య రాయ్ (Aishwarya Rai) జీవితంలో ఇన్ని వివాదాలా..
కెరీర్ తొలినాళ్లలో ఐశ్వర్యరాయ్ సల్మాన్ ఖాన్ లాంటి టాప్ స్టార్‌తో ఎఫైర్ అనేది పెద్ద హాట్ టాపిక్ అయింది. ఇద్దరూ పెళ్లి చేసుకుంటార‌ని అనుకోగా, విడిపోయి శతృవులుగా మారారు.
బాలీవుడ్ నటుడు వివేక్ ఒబెరాయ్‌తో ఐశ్వర్యరాయ్ ఎఫైర్ గురించి సినీ జనాలంద‌రికి తెలుసు. ఐశ్వర్యరాయ్, వివేక్ ఒబెరాయ్ డేటింగ్ చేస్తున్న సమయంలో.. సల్మాన్ ఖాన్ నుండి తనకు 41 మిస్డ్ కాల్స్ వచ్చాయని వివేక్ ఒబెరాయ్ మీడియా ముఖంగా ప్రకటించిన విష‌యం తెలిసిందే.
అయితే వివేక్ ఒబెరాయ్ అలా ప్రకటించడాన్ని ఐశ్వర్యరాయ్ తప్పుబట్టింది. సల్మాన్‌పై తీవ్రమైన ఆరోపణలు చేసింది ఐశ్వర్యరాయ్ . సల్మాన్ తనను శారీరకంగా హింసించాడని ఆమె ఆరోపించడం సెన్సేష‌న్ అయింది.
సోనమ్, ఐశ్వర్య మధ్య ఫైట్ కూడా న‌డిచింది.ఎల్ ఓరియల్ అనే సౌందర్య సాధనాల తయారీ సంస్థకు ఐశ్వర్యరాయ్ ఎప్పటి నుండో బ్రాండ్ అంబాసిడర్‌గా ఉండగా, సోనమ్ కపూర్‌ను కూడా ఆ సంస్థ బ్రాండ్ అంబాసిడర్‌గా ఎంచుకుంది. అయితే సోనమ్ కపూర్ ..ఐశ్వర్యను ఆంటీ అని పిలవడంతో అది వివాదాస్పదం అయింది.
చివ‌రిగా ‘పనామా పేపర్స్‘ విష‌యంతో చాలా హైలైట్ అయింది. విదేశాల్లో నల్లధనం దాచుకున్న వారిలో ఐశ్వర్యరాయ్ కూడా ఉన్నట్లు పనామా లీక్స్ ద్వారా బయటకు రావ‌డంతో ఆమె పేరు మీడియాలో తెగ నానింది.
1999 ఫారిన్ ఎక్స్ఛేంజ్ మేనేజ్‌మెంట్ యాక్ట్ ప్రకారం విదేశాల్లో సంపదను దాచిపెట్టారనే ఆరోపణలపై ఈడీ ఐశ్వర్యపై విచారణ జరిపింది.
భారీ లీక్‌లో పేరు పొందిన 500 మంది భారతీయుల జాబితాలో ఐశ్వర్య రాయ్ బచ్చన్ పేరు ఉంది.
ఈ పేపర్ లీక్‌లో అమితాబ్ బచ్చన్, ఐశ్వర్యారాయ్ సహా పలువురు భారతీయ ప్రముఖుల పేర్లు ఉన్నాయి. వీరంతా పన్ను మోసానికి పాల్పడ్డారని ఆరోపించారు.
read more news :
Shoaib Akhtar: ఇండియా మా ఆశ‌లపై నీళ్లు చ‌ల్లింది… షోయబ్‌ అక్త‌ర్ షాకింగ్ కామెంట్స్
Myositis : స‌మంత‌కి సోకిన ‘మయోసైటిస్‌’ వ్యాధి ల‌క్ష‌ణాలేంటి ?