Adipurush: పాన్ ఇండియా స్టార్ ప్రభాస్ అభిమానులు ఆసక్తిగా ఎదురుచూస్తున్న ఆదిపురుష్ మూవీ ట్రైలర్ కొద్ది సేపటి క్రితం వచ్చేసింది. ఓం రౌత్ డైరెక్షన్‌లో తెరకెక్కుతున్న ఈ సినిమాలో కృతి సనన్ హీరోయిన్‌గా నటించ‌గా, ఈ చిత్రాన్నిమైథలాజికల్ యాక్షన్ బ్యాక్‌డ్రాప్‌లో రూపొందించారు. ఈ సినిమాలో రాఘవుడి పాత్రలో ప్రభాస్ యాక్ట్ చేయగా.. జానకి పాత్రలో కృతి సనన్ కనిపించి అల‌రించింది. లంకేశ్వరుడిగా బాలీవుడ్ నటుడు సైఫ్ ఆలీ ఖాన్ లుక్ కూడా బాగుంది.
పాన్ ఇండియా లెవల్లో జూన్ 16వ తేదీన ఐదు భాషల్లో ఆదిపురుష్ సినిమా విడుదల కానుండ‌గా, కొద్ది సేపటి క్రితం ట్రైలర్ విడుదల చేశారు. ఇది నా రాముడి కథ అంటూ వాయిస్`ఓవర్‌తో మొదలుపెట్టారు. ‘ఆయన మనిషిగా పుట్టిన భగవంతుడు అయిన మహనీయుడు. ఆయన జీవితం ధర్మానికి, సన్మార్గానికి నిదర్శనం. ఆయన నామం రామనామం.. ఆయన ధర్మం.. అధర్మానికి ఉన్న అహంకారాన్ని అంతం చేసింది. ఇది ఆ రఘనందుడి ఘనత. యుగయుగాల్లోనూ సజీవం. జాగృతం. మా రాఘవుడి కథే రామయణం..’ అంటూ ట్రైలర్ ఎంతో ఆసక్తిగా సాగింది ప్రభాస్ లుక్ కూడా అదిరిపోయింది.
