Adipurush Collections : ప్రభాస్ నటించిన ఆదిపురుష్ సినిమా బాక్సాఫీస్ వద్ద దుమ్ము రేపుతోంది. సినిమాలోని వీఎఫ్‌ఎక్స్‌, ప్రభాస్ లుక్‌పై విమర్శలు, ట్రోలింగ్‌లు వచ్చినా కలెక్షన్లపై ఎలాంటి ప్రభావం లేదు.
తొలిరోజు రూ. 150 కోట్లకు పైగా కలెక్ట్ చేసిన ఆదిపురుష్ రెండో రోజు కూడా భారీ వసూళ్లు రాబట్టింది. కానీ మొదటి రోజుతో పోలిస్తే రెండో రోజు కలెక్షన్లు కాస్త తగ్గాయని చెప్పొచ్చు. శనివారం (జూన్ 17) ఆదిపురుష్ దాదాపు రూ.60-80 కోట్లు రాబట్టినట్లు ట్రేడ్ వర్గాలు చెబుతున్నాయి. అయితే వీకెండ్ కావడంతో పెద్దగా వసూళ్లు ఏమీ లేకపోవడంతో ఆదివారం నుంచి కలెక్షన్లు పుంజుకునే ఛాన్స్ ఉన్నట్లు తెలుస్తోంది. అయితే కలెక్షన్లు వస్తున్నా ఆదిపురుష్ పై వివాదాలు కొనసాగుతూనే ఉన్నాయి. కొన్ని హిందూ సంఘాలు సుప్రీంకోర్టును ఆశ్రయించాయి. వివాదాలు, ట్రోలింగ్‌లు, విమర్శలతో ప్రభాస్ ట్రెండ్ అవుతున్నాడు. కలెక్షన్ల జోరుకు ఇది కూడా ఓ కారణంగా తెలుస్తోంది.
బాలీవుడ్ దర్శకుడు ఓం రౌత్ రామాయణం ఆధారంగా ఆదిపురుష్‌ని తెరకెక్కించాడు. రాముడి అవతారంలో అభిమానులకు ఫుల్ ట్రీట్ ఇచ్చాడు ప్రభాస్. జానకి పాత్రలో కృతి సనన్ నటన అందరినీ ఆకట్టుకుంటోంది. ఇక రావణాసురుడిగా సైఫ్ నటనకు ప్రశంసలు అందుతున్నాయి. లక్ష్మణుడిగా సన్నీ సింగ్, హనుమంతుడిగా దేవ్ దత్ నాగే కూడా మంచి గుర్తింపు తెచ్చుకున్నారు.
read more :
Adipurush Telugu Movie Review : ఆదిపురుష్ తెలుగు మూవీ రివ్యూ