Sai Dharam Tej: మెగా మేనల్లుడు సాయిధరమ్ తేజ్ బైక్ యాక్సిడెంట్ నుంచి కోలుకుని పునర్జన్మ పొంద‌గా, రీసెంట్‌గా విరూపాక్ష చిత్రంతో ప్రేక్ష‌కుల‌ని ప‌ల‌క‌రించాడు. ఈ సినిమా పెద్ద విజ‌యం సాధించింది.
అయితే ఈ సినిమా ప్ర‌మోష‌న్స్ స‌మ‌యంలో తాను బైక్ ప్రమాదానికి గురైనప్పుడు సకాలంలో ఆసుపత్రికి చేరేలా సహాయం చేసిన సయ్యద్ అబ్దుల్ ఫర్హాన్ ని గుర్తు చేసుకుంటూ ఆయ‌న‌కి త‌న ఫోన్ నెంబ‌ర్ ఇచ్చిన‌ట్టు పేర్కొన్నాడు తేజూ. ఎలాంటి అవ‌స‌రం వ‌చ్చిన త‌న సాయం త‌ప్ప‌క ఉంటుంద‌ని పేర్కొన్నాడు.
ఇదే విష‌యంపై మీడియా అబ్దుల్ ని సంప్రదించగా సాయిధరమ్ తేజ్ ని కాపాడిన తర్వాత తనని ఎవరూ కలవలేదని, నాకు ఎవ‌రు డ‌బ్బు సాయం లేద‌ని, సాయిధరమ్ తేజ్ నన్ను క‌లిసి ఫోన్ నెంబ‌ర్ ఇచ్చిన‌ట్టు వ‌చ్చిన వార్త‌లు కూడా అవాస్త‌వాల‌ని ఆయ‌న పేర్కొన్నాడు.
ఫేక్ న్యూస్ వల్ల తాను చాలా ఇబ్బందులు ఎదుర్కొంటున్నట్లు పేర్కొన్న అబ్ధుల్ సీఎంఆర్‌లో జాబ్ కూడా మానేశాన‌ని అన్నాడు. నాలుగు నెలలు ఖాళీగా ఉండి ఎన్నో ఇబ్బందులు ఎదుర్కొన్నా. అయితే సాయిధరమ్ తేజ్ ఇప్ప‌టి వ‌ర‌కు నాకు ఎలాంటి కాల్ చేయలేదు, ఒక‌వేళ పిలిస్తే వెళ్లి క‌లుస్తానంటున్నాడు అబ్ధుల్.
మరిన్ని వార్తల కోసం హోం పేజీ కి వెళ్ళండి | GO TO HOMEPAGE