Aamir Khan: బాలీవుడ్ మిస్ట‌ర్ ప‌ర్‌ఫెక్ట్ అమీర్ ఖాన్ గురించి తెలియ‌ని వారు ఉండ‌రు. ప్ర‌పంచ వ్యాప్తంగా తన న‌ట‌న‌తో ఎంతో మంది ప్రేక్ష‌కుల మెప్పు పొందాడు అమీర్. ఇటీవ‌ల తన విడాకుల విష‌యంతో వార్త‌ల‌లోకి ఎక్కాడు అమీర్. తన మొదటి భార్య రీనా దత్తాకి 15 ఏళ్ళ క్రితం విడాకులిచ్చిన అమీర్ ఖాన్ రీసెంట్ గా రెండో భార్య కిరణ్ రావు తోనూ తెగ‌దెంపులు చేసుకున్నాడు. వీరిద్ద‌రు విడిపోవ‌డం అంద‌రికి షాక్ క‌లిగించింది.
ఈ వ‌య‌స్సులో విడాకులు తీసుకోవడం ఏంటా అని చాలా మంది ఆశ్చర్య‌పోయారు. అయితే అమీర్ కొన్నాళ్లుగా ‘దంగల్’ చిత్రంలో తనకు కూతురిగా నటించిన నటి ఫాతిమా సనా షేక్ తో ఎఫైర్ న‌డుపుతున్న‌ట్టు చాలా పుకార్లు వ‌చ్చాయి. ఇదే విష‌యాన్ని తాజాగా బాలీవుడ్ విమర్శకుడు కేఆర్ కే ఖ‌రారు చేస్తూ ట్వీట్ చేసాడు. తన మనమరాలు వయస్సు ఉన్న ఫాతిమాని అమీర్ పెళ్లి చేసుకోబోతున్నాడనే విధంగా అత‌ను ట్వీట్ చేశాడు.
29 ఏళ్ల ఫాతిమా.. 56 ఏళ్ల అమీర్‌తో వరుసగా రెండు సినిమాలు చేయ‌గా,. ఆ సమయంలో ఇద్దరి మధ్య ప్రేమ పుట్టింద‌ని కొంద‌రు చెప్పుకొచ్చారు. వారిద్ద‌రి మధ్య స‌మ్ థింగ్ స‌మ్‌థింగ్ నడుస్తోందని బాలీవుడ్ మీడియాలో రూమర్స్ కూడా వినిపించాయి. ఆ వ్యవహారాన్ని అమీర్ లైట్‌ తీసుకోగా.. ఫాతిమా మాత్రం తనకు ఎలాంటి పరిచయం లేని వ్యక్తులు తన గురించి తప్పుగా రాయడం సరికాదంటూ ఘాటుగా కూడా స్పందించింది.
అయితే కేఆర్కే చేసిన ట్వీట్‌పై నెటిజ‌న్స్ పలు ర‌కాలుగా స్పందిస్తున్నారు. ఈ మేరకు ఒక నెటిజన్.. ‘మంచిది. మేము 2028లో వారి విడాకుల కోసం ఎదురు చూస్తాం’ అంటూ కామెంట్ చేశాడు.. అలాగే మరొక నెటిజన్ .. ‘భాయ్ నువ్వేం చేస్తున్నావ్. నువ్వు కూడా చేసుకో’ అంటూ చుర‌క‌లు అంటించాడు.
ఇక అమీర్ 1986లో కోస్టార్ రీనా దత్తాను వివాహం చేసుకోగా, ఈమె ‘ఖయామత్ సే ఖయామత్ తక్’ చిత్రంలో అమీర్ స‌ర‌స‌న నటించింది. వీరికి జునైద్, ఐరా ఇద్దరు పిల్లలు కూడా ఉన్నారు.. అయితే 2002లో ఆమెతో విడాకులు తీసుకున్న అమీర్.. తనకు లగాన్ షూటింగ్‌లో పరిచయమైన కిరణ్ రావును 2005లో వివాహం చేసుకున్నాడు.
వీరికి ఒక కుమారుడు కాగా.. 2021లో కిరణ్ రావుకి అమీర్ బ్రేక‌ప్ చెప్పారు. మ‌రి ఇప్పుడు దంగల్ షూటింగ్‌లో పరిచయమైన ఈ కుర్ర భామ‌ని అమీర్ ఖాన్ వివాహం చేసుకుంటాడా.. ఇందులో నిజ‌మెంత ఉంద‌నేది రానున్న రోజుల‌లో తెలియ‌నుంది. ఫాతిమా సనా షేక్ విష‌యానికి వ‌స్తే.. బాలనటిగా పలు హిందీ చిత్రాల్లో నటించిన ఈ అమ్మ‌డు నువ్వు నేను ఒకటవుదాం అనే తెలుగు సినిమాలో కూడా నటించింది. 2016లో అమీర్ ఖాన్ ‘దంగల్’తో ఆమె అంద‌రి దృష్టిని ఆక‌ర్షించింది.
read more news :
Karate Kalyani: మా అసోసియేష‌న్ నుండి క‌రాటే క‌ళ్యాణి స‌స్పెండ్.. మంచి బహుమ‌తి ఇచ్చారంటూ కామెంట్