Naga Babu: బుల్లితెర క‌మెడీయ‌న్‌గా ప‌రిచ‌య‌మై ఇప్పుడు వెండితెర‌పై కూడా స‌త్తా చాటుతున్నాడు సుధీర్. సుడిగాలి సుధీర్ హీరోగా వచ్చిన ప‌క్కా మాస్అండ్‌యాక్ష‌న్ ఎంట‌ర్‌టైన‌ర్ `గాలోడు` చిత్రం న‌వంబ‌ర్ 18న విడుద‌లై మంచి ప్రశంసలు అందుకుంటుంది. గెహ్నా సిప్పి హీరోయిన్‌గా న‌టించిన ఈ చిత్రానికి రాజ‌శేఖ‌ర్ రెడ్డి పులిచ‌ర్ల ద‌ర్శ‌క‌త్వం వ‌హించారు. ప్ర‌కృతి స‌మ‌ర్ప‌ణ‌లో సంస్కృతి ఫిలింస్ ఈ చిత్రాన్ని నిర్మించింది. గాలోడు సినిమా బ్లాక్ బస్టర్ అవ్వడంతో యూనిట్ సక్సెస్ సెల‌బ్రేష‌న్ కూడా జ‌రుపుకుంది. ఈ కార్య‌క్ర‌మంలో ఇంద్ర‌జ ఆస‌క్తిక‌ర కామెంట్స్ చేసారు.
ఈ సినిమా విజయం ప‌ట్ల సుధీర్ అమ్మానాన్నలు ఎంతగా సంతోషపడతారో.. నేను కూడా అంతే సంతోషంగా ఉన్నాను. సుధీర్ టాలెంట్ గురించి అందరికీ తెలిసిందే. ఎంతో కష్టపడి సినిమాను చేశారు. ఆ కష్టం నాకు తెలుసు. ఇది అసలు సిసలైన నిజమైన సక్సెస్. గాలోడు సక్సెస్‌కి సుధీర్ ఫ్యాన్స్ కారణం. ఈ సినిమాను వారంతా ఎక్కడికో తీసుకెళ్లారు అంటూ ఇంద్ర‌జ ఆస‌క్తిక‌ర కామెంట్స్ చేసింది. ఇక గాలోడు హిట్ కావడంతో సుధీర్ ను తన వద్దకు పిలిపించుకొని మరీ ప్రశంసలు కురిపించాడు మెగా బ్ర‌ద‌ర్ నాగబాబు. ‘గాలోడు’ సినిమాకు ప్రేక్షకుల నుంచి అద్భుతమైన స్పందన వస్తోందని ఆయ‌న అన్నారు.
ఈ సందర్భంగా నాగబాబు మాట్లాడుతూ.. 8 ఏళ్ల క్రితమే సుడిగాలి సుధీర్ మాస్ హీరో అవుతాడని జోస్యం చెప్పానని.. అది ఇప్పుడు నిజమైనందుకు సంతోషంగా ఉందని నాగబాబు స్ప‌ష్టం చేశారు. . ఎవరైతే కష్టపడుతారో వాళ్లను విజయం వరిస్తుందని.. హార్డ్ వర్క్ కంటిన్యూ చేయాలని సుధీర్ కు ఆయ‌న సూచించాడు. ఇలా సుధీర్ పై అభిమానాన్ని ఇప్పటికీ చాటుకుంటూ నాగబాబు అందరివాడుగా ఉన్నారు. నాగబాబు బుల్లితెర ఆర్టిస్ట్‌ల‌ని ఎప్పుడు ఎంక‌రేజ్ చేస్తూనే వారికి అండ‌గా ఉంటుంటార‌నే విష‌యం తెలిసిందే
also read news:
Bigg Boss 6: హౌజ్‌లో సిరి, శ్రీహాన్ రొమాన్స్ మాములుగా లేదుగా..!