టాలీవుడ్ నుంచి విడుదలవుతున్న పాన్ ఇండియా సినిమాలు దాదాపు అన్ని భాషల్లో ఒకే టైటిల్‌తో వస్తుంటాయి. అయితే కొన్ని సార్లు వివిధ భాషల్లో టైటిల్స్ మార్చి రిలీజ్ చేయడం కూడా జరుగుతుంది. రీసెంట్‌గా వివేక్ ఆత్రేయ దర్శకత్వంలో నాని నటించిన సరిపోదా పాన్ ఇండియా స్థాయిలో విడుదల కాగా, ఇతర భాషల్లో Suryas Saturday టైటిల్‌తో రిలీజ్ అయింది.
ఇప్పుడు వరుణ్ తేజ్ నటిస్తున్న మట్కా కూడా ఈ జాబితాలో చేరింది. నవంబర్ 14న విడుదల కానున్న ఈ సినిమా హిందీలో మట్కా వాసుగా రిలీజ్ అవుతుంది. మేకర్స్ ఈ టైటిల్ మార్పుకు కారణం ఏమిటో తెలియాల్సి ఉంది.
మరి నానిలాగే వరుణ్ తేజ్ కూడా ఈ సినిమాతో హిట్ కొడతాడా అనేది ఆసక్తికరమైన విషయం. పీరియాడిక్ బ్యాక్‌డ్రాప్‌లో తెరకెక్కిన ఈ చిత్రంలో మీనాక్షి చౌదరి, నోరా ఫతేహి హీరోయిన్లుగా నటిస్తున్నారు. అజయ్‌ ఘోష్‌, బొమ్మాళి రవిశంకర్ ఇతర కీలక పాత్రలు పోషిస్తున్నారు.