Viral Video: ఆకలి ఎవ‌రికైన ఆక‌లే క‌దా..ముఖ్యంగా ఈ మ‌ధ్య కాలంలో జంతువుల‌కి ఆహారం దొర‌క్క ఇళ్ల‌ల్లో ప‌డుతున్నాయి. ఇంటి ప‌రిస‌రాల‌లో తిరుగుతూ భ‌యాందోళ‌న‌ల‌కు గురి చేస్తున్నాయి. ఆకలి.. అడవి జంతువులను కూడా ఇది దొంగగా మార్చేసింది.
తాజాగా ఎలుగుబంటికి చెందిన ఓ వీడియో సోషల్ మీడియాలో వైరల్ అవుతోంది. ఈ వీడియోలో ఓ ఎలుగుబంటి వాటర్ ట్యాంక్ ఎక్కుతున్నట్లు కనిపిస్తోంది. అయితే అది మెల్ల‌మెల్ల‌గా ఎక్కుతూ ఏం చేసిందో తెలిస్తే ఆశ్చ‌ర్య‌పోతుంటారు. ఈ వాటర్ ట్యాంక్ కు అనేక తేనె తెట్టలు ఉన్నాయి.
ఎంత ధైర్యం..
తేనె తుట్టెల‌ని చూసి ఎలుగుబంటి మెల్ల‌గా నీళ్ల ట్యాంక్ ఎక్కి అక్క‌డ ఉన్న తేనె తుట్టెని క‌దిపింది. తేనేటీగ‌ల‌ని కూడా లెక్క చేయ‌కుండా తేనె తొట్టెని క‌దిపిన ఎలుగు బంటి మంగా తేనె తాగుతూ క‌నిపించింది. అయితే ఈ దృశ్యాన్ని సుశాంత్ నందా అనే వ్యక్తి తన ట్విట్టర్ ఖాతాలో పోస్ట్ చేశారు.
ఈ వీడియోను సోమవారం మధ్యాహ్నం 3 గంటల 22 నిమిషాలకు పోస్ట్ చేయ‌గా, ఇది కొద్ది క్ష‌ణాల‌లోనే వైర‌ల్‌గా మారింది. ఈ వీడియో చూసిన ప్ర‌తి ఒక్క‌రు ఆశ్చ‌ర్యం వ్య‌క్తం చేస్తున్నారు.
తేనెటీగ కుడుతున్నా ఇష్టమైన ఆహారం కోసం ఎలుగుబంటి తన మొండితనాన్ని, సంకల్పాన్ని చూపుతుందంటూ నెటిజ‌న్స్ తన కామెంట్ సెక్ష‌న్స్ లో రాసుకొచ్చారు. ఎలుగుబంటి వీడియోలు సోషల్ మీడియాలో తెగ హ‌ల్‌చ‌ల్ చేస్తుంటాయి.
ఆ మ‌ధ్య ఓ ఎలుగుబంటి ఓ షాపింగ్ మాల్ తలుపు తెరచి.. అక్కడున్న ఆహార పదార్థాలను గమనించింది. అనంతరం ఓ కూల్‌డ్రింక్ ప్యాకెట్‌ను నోట కరుచుకుని.. అక్కడి మాల్ నుంచి తిరుగు ముఖం పట్టింది. ఎలుగు బంటి షాపింగ్ మాల్‌కు వచ్చినప్పుడు అక్కడే ఉన్న కొందరు కస్టమర్లు ఆ దృశ్యాలను వీడియో తీసి సోషల్ మీడియాలో పోస్ట్ చేయ‌గా, ఇది కూడా తెగ వైరల్ అయింది.
Sloth bears scaling steps for bee hives shows the tenacity and determination of the animal for their favourite food 😊😊 pic.twitter.com/Robcatamqw
— Susanta Nanda (@susantananda3) October 10, 2022
ఇవి కూడా చూడండి :
