Bigg Boss Telugu 6: బుల్లితెర బిగ్ రియాలిటీ షో బిగ్ బాస్ కార్య‌క్ర‌మం ఆస‌క్తిక‌రంగా సాగుతున్న విషయం తెలిసిందే. ఇందులో కంటెస్టెంట్స్ ఆట‌లు, గొడ‌వ‌లు ప్ర‌తీది కూడా ఆస‌క్తిని రేపుతున్నాయి. సీజ‌న్ 6 నాలుగు వారాలు పూర్తి చేసుకుని ఐదో వారంలోకి అడుగుపెట్టింది. ఇప్పుడు ఐదో వారం కూడా చివరి దశకు చేరుకోగా, ఇందులో కెప్టెన్సీ టాస్క్ గత టాస్క్ జ‌రిగింది. ఇందులో టాప్‌ ముగ్గురు సభ్యులు కెప్టెన్సీ కోసం పోటీ ప‌డ‌గా, వారిలో సూర్య, బాలాదిత్య, రేవంత్ కెప్టెన్సీ పోటీలో ఉన్నారు. వీరు ఇంటి సభ్యులను కన్విన్స్ చేసుకుని వారి మెప్పుపొంది వారి మద్దతుని బంతిపూల దండల రూపంలో తమ మెడలో వేయించుకోవాల్సి ఉంటుంది.
అయితే కెప్టెన్ అర్హ‌త పొందాల‌ని అనుకునే వారు ఇంటి సభ్యులతో మాట్లాడుకుని కన్విన్స్ చేసుకోవాల్సి ఉంటుంది. ఇందులో సూర్య విన్నర్ అవుతాడని అంతా భావించారు. కానీ ఊహించని రీతిలో రేవంత్‌కి ఎక్కువ సపోర్ట్ దక్కడం విశేషం. సూర్య, బాలాదిత్య కంటే రేవంత్‌కి ఎక్కువ మంది సభ్యులు సపోర్ట్ చేయ‌డం అంద‌రిని ఆశ్చ‌ర్య‌ప‌ర‌చింది. అయితే సూర్యని ఇన‌య మోసం చేయ‌డంతో చాలా హ‌ర్ట్ అవ్వ‌డం మ‌న‌రే క‌నిపిస్తుంది. సూర్యని పట్టుకుని ఇయన కన్నీళ్లు పెట్టుకోవడం విశేషం. అనంత‌రం బిగ్ బాస్ ఇంటి స‌భ్యుల‌కు లగ్జరీ బడ్జెట్‌ టాస్క్ ఇచ్చాడు బిగ్‌బాస్.
ఈ టాస్క్ లో సభ్యులను రెండు గ్రూపులగా విడగొట్టి, ఇద్దరికి బెల్ట్ తో యాడ్‌ చేసి బలం ఉన్న వాళ్లు తమకు కేటాయించిన వస్తువులను బుట్టలో వేయాల్సి ఉంటుంది. ఎవరైతే వాటిని బుట్టలో ప‌డేసి ఆ త‌ర్వాత ఫ్రిజ్ లో పెట్టి వ‌స్తారో వారు విన్నర్ అవుతార‌ని చెప్ప‌డంతో ఇందులో గీతూ టీమ్ బాగా గేమ్ ఆడి విజ‌యం సాధిస్తారు. ఇక ఈ ఎపిసోడ్‌లో ఎప్ప‌టి మాదిరిగానే శ్రీస‌త్య‌తో అర్జున్ ప్రేమ పాఠాలు చెప్ప‌డం మ‌నం గ‌మ‌నించ‌వ‌చ్చు.ఈ ఎపిసోడ్ కొంచెం ఎంట‌ర్‌టైనింగ్‌గా సాగ‌డం మ‌నం గ‌మ‌నించ‌వ‌చ్చు. ఇక ఈ షోకి సంబంధించి నాలుగు వారాల్లో షాని, అభినయ శ్రీ, నేహా చౌదరి, ఆరోహి ఎలిమినేట్‌ అయిన విషయం విదిత‌మే.