Prabhas: ప్రభాస్, కృతి స‌న‌న్ జంట‌గా ఓం రౌత్ తెర‌కెక్కించిన చిత్రం ఆదిపురుష్.వ‌చ్చే ఏడాది సంక్రాంతికి విడుదల కానున్న ఈ సినిమాకి సంబంధించి రీసెంట్‌గా టీజర్ విడుదల చేశారు. ఈ టీజ‌ర్‌పై కొందరు అద్భుతంగా ఉందని అంటే.. మ‌రి కొందరు మాత్రం దారుణంగా ట్రోల్స్ చేస్తున్నారు. పొన్నియన్ సెల్వన్ సినిమాను తెలుగు ప్రేక్షకులు తిరస్కరించారనే కోపాన్ని ఆదిపురుష్ మీద త‌మిళ ప్రేక్షకులు చూపిస్తున్నారు. అయితే కొందరు తెలుగు ప్రేక్ష‌కుల కూడా నాసిరకమైన వీఎఫ్‌ఎక్స్ పట్ల పెదవి విరుస్తున్నారు. ఈ క్ర‌మంలో టీజర్ కట్ పై ప్రభాస్ అసంతృప్తిగా ఉన్నట్లు ప్రచారం జరుగుతోంది.
నిజంగానే ఇచ్చాడా..
టీజర్ లాంచ్ తర్వాత ప్రభాస్ బస చేసిన హోటల్ కి సంబంధించిన వీడియో ఒక‌టి బ‌య‌ట‌కు రాగా, ఇది వైరల్ గా మారింది. ఆ వీడియోలో ప్రభాస్ కోపంగా.. ఓం నువ్వు నా రూమ్ కి వస్తున్నావుగా.. రా అంటూ ఆగ్రహంతో పిలుస్తున్నట్లు క‌నిపించింది.ఈ వీడియో ప్ర‌స్తుతం సోషల్ మీడియాలో తెగ హ‌ల్చ‌ల్ చేస్తుండ‌గా, దీనిపై నెటిజ‌న్స్ త‌మ‌దైన శైలిలో కామెంట్స్ చేస్తున్నారు.. సీరియస్ గా వార్నింగ్ ఇచ్చేందుకే ప్రభాస్ ఓం రౌత్ ని పిలుస్తున్నాడు అని కొందరు అంటుండ‌గా, మ‌రి కొందరు ప్రభాస్ చేతిలో నీకు ఉంది పో అంటూ కామెంట్ల వ‌ర్షం కురిపిస్తున్నారు.
ఇక్క‌డ మ‌నం చెప్పుకోవ‌ల‌సింది ఏంటంటే..ఆదిపురుష్ టీజర్‌లో ప్రభాస్ లుక్ పట్ల ఒరిజినాలిటీ మిస్ అయిందని, అంతా కూడా యానిమేషన్‌లా ఉందని పెదవి విరుస్తున్నారు. ఇలాంటి చిత్రాలు తీయాలన్నా, వీఎఫ్‌ఎక్స్ వాడాలన్నా అది రాజమౌళి వల్లే సాధ్యమని ఆయ‌న ప్ర‌స్తావ‌న తీసుకొస్తున్నారు. . రాముడిగా ప్రభాస్‌ను చూపించిన తీరు మీద ఓం రౌత్‌ను జనాలు తెగ ట్రోల్స్ చేస్తున్నారు. వానర సైన్యమా? గాడ్జిల్లాలా? అంటూ మండిప‌డుతున్నారు. రాధే శ్యామ్ ఫ్లాప్ తర్వాత ప్రభాస్ ఈ చిత్రంతో వినోదం పంచుతాడు అనుకుంటే ఈ చిత్రం కూడా పోయేలా ఉందని కొందరు అంచ‌నాలు వేస్తున్నారు.
Om you coming to my room 🙂 pic.twitter.com/kM1UppGVr3
— Venu Prabhas™ (@TheVenuPrabhas) October 3, 2022