Adipurush: యంగ్ రెబ‌ల్ స్టార్ ప్రభాస్ ఫ్యాన్స్ కొన్నాళ్లుగా ఆదిపురుష్ సినిమా అప్‌డేట్ కోసం క‌ళ్ల‌ప్ప‌గించి చూస్తున్నారు. ఒకానొక స‌మ‌యంలో వారి స‌హ‌నం న‌శించి చిత్ర బృందాన్ని కూడా ఏకిపారేశారు. అయిన‌ప్ప‌టికీ వారు ఏ మాత్రం స్పందించ‌లేదు.
ఇక ఎట్ట‌కేల‌కు టీజ‌ర్‌తో సంద‌డి చేసేందుకు సిద్ధమ‌య్యారు. అక్టోబర్ 2న శ్రీరాముడు జన్మించిన అయోధ్యలో భారీ ఎత్తున ఆదిపురుష్ టీజర్ విడుద‌ల చేసేందుకు ఏర్పాట్లు చేస్తున్నారు. ఇక ఈ కార్యక్రమానికి హాజరై అక్క‌డ సంద‌డి చేసేందుకు డార్లింగ్ ఫ్యాన్స్ అంతా అయోధ్యకు బయలుదేరుతున్నారు.
ప్రభాస్ లుక్ అదిరింది.. 
గ్రాండ్‌గా ఈవెంట్‌ ప్లాన్ చేసి మరీ ఈ టీజర్‌ని రిలీజ్‌ చేయబోతున్నట్టు ప్ర‌క‌టించిన చిత్ర యూనిట్ అంత‌క‌ముందే స‌ర్‌ప్రైజ్ ప్లాన్ చేసింది. తాజాగా ఆదిపురుష్ టీజర్ పోస్టర్ విడుద‌ల చేసింది.ఇందులో ప్రభాస్ ఫేస్ క‌నిపించ‌క‌పోయిన ఆయ‌న గెట‌ప్ చూసి ఫ్యాన్స్ పిచ్చె్కిపోతున్నారు. మ‌ళ్లీ మా ప్రభాస్ అద‌ర‌గొట్టే హిట్ కొట్ట‌డం ఖాయ‌మ‌ని కొంద‌రు నెటిజ‌న్స్ కామెంట్స్ చేస్తున్నారు.
ప్ర‌స్తుతం ఈ పిక్ తెగ వైరల్ అవుతుంది. ప్రభాస్ నటిస్తున్న ప్రతిష్టాత్మక చిత్రం “ఆదిపురుష్” . రామాయణ ఇతిహాస నేపథ్యంతో రూపొందిన విష‌యం తెలిసిందే.
దర్శకుడు ఓం రౌత్ ఆదిపురుష్ చిత్రాన్ని తెర‌కెక్కించ‌గా, ఇందులో రాముడి పాత్ర‌లో ప్రభాస్ క‌నిపించ‌నున్నాడు. ఇక కృతి సనన్ నాయికగా నటిస్తోండ‌గా, సైఫ్ అలీఖాన్, సన్నీ సింగ్ ఇతర కీలక పాత్రల‌లో క‌నిపించ‌నున్నారు.
అత్యున్నత సాంకేతిక విలువలతో భారీ బడ్జెట్ తో టీ సిరీస్, రెట్రో ఫైల్స్ సంస్థలు ఈ సినిమాను ఎంతో ప్ర‌తిష్టాత్మ‌కంగా నిర్మిస్తున్నాయి. ప్ర‌స్తుతం చిత్రానికి సంబంధించి పోస్ట్ ప్రొడ‌క్ష‌న్ జ‌రుగుతుంది.. ఆదిపురుష్ అప్ డేట్ కోసం ప్రభాస్ అభిమానులతో పాటు సినీ ప్రియులు ఎంతగానో ఎదురుచూస్తున్న నేప‌థ్యంలో వారి నిరీక్షణకు తెరదించుతూ ఆదిపురుష్ టీజర్ పోస్టర్ విడుద‌ల చేయ‌డం గ‌మ‌న‌ర్హం