Bigg Boss telugu 6: బిగ్ బాస్ సీజ‌న్ 6 స‌క్సెస్ ఫుల్‌గా మూడో వారం కూడా పూర్తి చేసుకుంది. ఎవరు ఎలిమినేట్ అవుతారా అనే ఆస‌క్తి అంద‌రిలో ఉండ‌గా, నేహా చౌద‌రిని బ‌య‌ట‌కు పంపారు. ముందుగా ఇనయ వెళుతుంద‌ని అంద‌రు భావించ‌గా, ఆమె స్థానంలో నేహా వ‌చ్చి చేరింది.
ఆదివారం ఎపిసోడ్‌లో నాగార్జున ఇంటి స‌భ్యుల‌తో కొన్ని గేమ్స్ ఆడించారు. వాటిలో సుత్తి ఇచ్చి కంటెస్టెంట్స్ తలపై దెబ్బ వేయాల‌ని సూచించారు. ముందుగా కెప్టెన్ ఆదిరెడ్డి.. నోటిదూల గలాటా గీతూకి ఉంద‌ని ఆమె తలపై కొట్టాడు. అందుకు ఆడియన్స్ అందరూ కూడా ‘ఎస్’ అని చెప్పారు.
నేహాని రిజెక్ట్ చేసిన ఆడియన్స్..
ఇక ‘ఇంట్లో బ్రెయిన్ లెస్ పర్సన్ ఎవరు..’ అని రోహిత్-మెరినా జంటను అడగ్గా..వారు రాజ్‌ను సెలక్ట్ చేశారు. అయితే వారి నిర్ణ‌యాన్ని ఆడియన్స్ యాక్సెప్ట్ చేయ‌లేదు. ‘హౌస్‌లో ఎవరు పని దొంగ..?’ ఎవరు అని రాజ్‌ను అడగ్గా.. అతను రేవంత్ ని ఎంపిక చేశారు.ఆడియన్స్ మాత్రం నో అని చెప్పారు.
ఇక ‘హౌస్‌లో ఓవర్ డ్రామాటిక్ ఎవరు..?’ అని రేవంత్‌ను అడగ్గా.. నేహ పేరు చెప్పగా, అందుకు ఆడియన్స్ మాత్రం నో చెప్పారు. మోస్ట్ ఎనోయింగ్ పర్సన్ ఎవరు..? అని నేహాను అడగ్గా.. గీతూని సెలక్ట్ చేసింది. అయితే ఆమె నిర్ణ‌యాన్ని ఆడియన్స్ యాక్సెప్ట్ చేయ‌లేదు.
లూజర్ అని ఎవరు అడగ్గా.. రేవంత్ పేరు చెప్పుకొచ్చింది గీతూ. దానికి ఆడియన్స్ నో చెప్పారు. ఇక ఆ త‌ర్వాత జంతువుల పేరుతో ఉన్న బోర్డ్‌లు ఇచ్చి అవి ఎవ‌రికి సెట్ అవుతాయో వారి మెడ‌లో వేయాల‌ని చెప్పారు నాగార్జున. ఇక చివరికి నామినేషన్‌లో నేహా, వాసంతి మిగిలిపోయారు.
స్టేజ్‌పై ఓ తులాభారం ఏర్పాటు చేసి.. అందులో ఇద్దరి ఫొటోలను ఉంచారు. అందులో ఎవ‌రికి తులాభారం పైకి లేస్తుందో వారు ఎలిమినేట్ చెప్పగా, నేహాచేద‌రిది పైకి లేచింది. దీంతో ఆమె ఎలిమినేట్ అయిన‌ట్టు తెలిపారు నాగ్.
స్టేజ్ పైకి వ‌చ్చిన ఆమె హౌస్‌లో దమ్మున్న వారు ఎవరు..? ఎవరు దుమ్ము..? అని అడ‌గ‌గా, ఇనయ, రేవంత్, ఆరోహి, గీతూ, వాసంతిలను దుమ్ముగా సెలక్ట్ చేసింది. చంటి, శ్రీసత్య, రాజ్, సుదీప, శ్రీహాన్, బాలాదిత్య, ఆదిరెడ్డిలను దమ్ము ఉన్న కంటెస్టెంట్లు అని తెలిపింది నేహా.