Bigg Boss: ప్ర‌స్తుతం అన్ని భాష‌ల‌లో అద‌ర‌గొడుతున్న బిగ్ రియాలిటీ షో బిగ్ బాస్. ఈ కార్య‌క్ర‌మం అన్ని ప్రాంతీయ భాష‌ల‌లో మంచి టీఆర్పీ రేటింగ్ రాబ‌డుతుంది. దీంతో సీజ‌న్స్ మీద సీజ‌న్స్ జ‌రుపుకుంటుంది. ప్ర‌స్తుతం తెలుగులో సీజన్ 6 జ‌రుపుకుంటుండ‌గా, గేమ్ ఆస‌క్తిక‌రంగా సాగుతుంది.
ప్ర‌తి వారం ఎవ‌రు ఎలిమ‌నేట్ అవుతారు, వైల్డ్ కార్డ్ ఎంట్రీ ఎవ‌రు ఇస్తారు అనే దానిపై ఆస‌క్తిక‌ర చ‌ర్చ‌లు న‌డుస్తున్నాయి. అయితే బిగ్ బాస్ లోకి హాట్ బ్యూటీ పూనమ్ పాండే ఎంట్రీ ఇవ్వ‌బోతున్న‌ట్టుగా తెలుస్తుంది. అయితే తెలుగులో కాదులేండి. హిందీ బిగ్ బాస్ లో. హిందీ వెర్షన్ పదహారవ సీజన్ త్వరలో ప్రారంభం కానుంది.
ఇక రచ్చ రంబోలానే..
కండల వీరుడు సల్మాన్ ఖాన్ హోస్ట్ గా వ్యవహరించనున్న ప‌ద‌హారో షో లాంచ్ ఈవెంట్‌ని గ్రాండ్‌గా లాంచ్ చేయ‌బోతున్నారు. ఇందులో పూనమ్ పాండేని ఎంపిక చేసిన‌ట్టు తెలుస్తుంది. ఇక మ‌రో హాట్ బ్యూటీ ఉర్ఫీ జావేద్‌ ను కూడా తీసుకు రాబోతున్నారు. వీరిద్ద‌రు అందాల ఆర‌బోత‌తో పాటు వివాదాల‌తోను ఫుల్ ఫేమ‌స్.
వారు బిగ్ బాస్ హౌజ్‌లో ఉంటే రచ్చ ఏ విధంగా ఉంటుందో ప్ర‌త్యేకంగా చెప్ప‌న‌క్క‌ర్లేదు. ఆ మధ్య వరుస సంఘటనలతో పూనమ్ పాండే హాట్ టాపిక్ గా నిలిచింది భర్త హింసిస్తున్నారు అన్న కారణంగా విడిపోయిన పూనమ్.. ఆ త‌ర్వాత మ‌రొక‌రితో డేటింగ్ చేసింది.
చాలి చాలని టాప్ లో ఎద అందాలు ప్రదర్శిస్తూ రచ్చ చేసే పూనమ్ తో ఫ్యాన్స్ ఫొటోలు దిగేందుకు తెగ ఎగ‌బ‌డుతుంటారు.ఇటీవ‌ల కంగనా రనౌత్ హోస్ట్ గా ఆల్ట్ బాలాజీలో ప్రసారమైన లాక్ అప్ రియాలిటీ షోలో పూనమ్ పాల్గొని తెగ రచ్చ చేసింది.
బోల్డ్ కామెంట్స్ తో పాటు తన చర్యలతో షోలో వేడి పుట్టించారు. స్ట్రాంగ్ కంటెస్టెంట్ గా హౌస్ లో కొనసాగిన పూనమ్ టైటిల్ మాత్రం అందుకోలేకపోవ‌డం కొస మెరుపు.