Project K Glimpse : What is Project K అన్నప్పుడు అన్నీ స్కై ఫై సినిమా ల లాగే ఉంటుందేమో.. టైమ్ ట్రావెల్ సినిమా, లార్డ్ కృష్ణ అవతారం అన్నా కూడా ఇంత గొప్పగా ఉంటుందని మాత్రం ఊహించలేదు. అబ్బో.. సినిమాల్లో అంటారు కదా.. బ్రహ్మాండం బద్దలయ్యేలా ఉంది Projeck K Glimpse.
ఇంతకీ మూవీ పేరు ఏంటి ? ఈ పాటికి మీకు తెలిసే ఉంటుంది kalki 2898 – AD. కానీ నిజంగా గ్లింప్స్ చూస్తున్నంత సేపు గూస్ బంప్స్. అద్బుతం. హాలీవుడ్ ని తలదన్నేలా ఉంది.
పాన్ ఇండియన్ స్టార్ ప్రభాస్ హీరోగా నాగ అశ్విన్ దర్శకత్వం వహించిన తాజా భారీ సైన్స్ ఫిక్షన్ జానర్ మూవీ. ఈ సినిమాపై మొదటి నుంచి భారీ అంచనాలే ఉన్నాయి. బాలీవుడ్ నటి దీపికా పదుకొణె హీరోయిన్ గా నటిస్తున్న ఈ సినిమాలో అమితాబ్ బచ్చన్, కమల్ హాసన్ కీలక పాత్రలు పోషిస్తున్నారు.
ప్రముఖ నిర్మాణ సంస్థ వైజయంతీ మూవీస్ భారీ స్థాయిలో నిర్మిస్తున్న ఈ సినిమా నుంచి ఇప్పటికే విడుదలైన ప్రభాస్, దీపిక ఫస్ట్ లుక్ పోస్టర్లు అందరినీ ఆకట్టుకున్నాయి, అయితే ఈరోజు కొద్ది సేపటి క్రితం మేకర్స్ అమెరికాలోని శాన్ డియాగోలో కామిక్ కాన్ ఈవెంట్‌లో భాగంగా అధికారికంగా మూవీ టైటిల్ మరియు గ్లింప్స్ విడుదల చేసారు.
project K అంటూ ఊరిస్తూ వస్తున్న మూవీ టైటిల్ ‘kalki 2898 – AD’ ఈ సినిమా గ్లింప్స్‌లో, ప్రభాస్ లుక్స్‌తో పాటు థ్రిల్లింగ్ యాక్షన్ సన్నివేశాలు, విజువల్స్ మరియు బ్యాక్ గ్రౌండ్ స్కోర్ అదిరిపోయాయి. మొత్తంమీద, ఫస్ట్ గ్లింప్స్ ప్రస్తుతం అందరినీ ఆకట్టుకుంటోంది మరియు YouTube లో మంచి వ్యూస్ తో కొనసాగుతోంది. కాగా, అన్ని కార్యక్రమాలు ముగించుకుని వచ్చే ఏడాది వేసవి కానుకగా మే 9న ఈ చిత్రాన్ని చాలా థియేటర్లలో విడుదల చేయబోతున్నారు మేకర్స్.