devara update : ‘RRR’ వంటి ఇండస్ట్రీ హిట్ తర్వాత దాదాపు ఏడాది గ్యాప్ తీసుకున్న తారక్ ఇటీవలే దేవర సెట్స్‌పైకి వచ్చాడు. కొరటాల శివ దర్శకత్వంలో తెరకెక్కుతున్న ఈ సినిమా ఇప్పటికే రెండు భారీ షెడ్యూల్స్ పూర్తి చేసుకుంది. తాజాగా విడుదలైన ఫస్ట్‌లుక్‌ పోస్టర్‌కు విశేష స్పందన లభించింది.
రఫ్ లుక్ లో రక్తపు మరకలతో ఉన్న తారక్ పోస్టర్ అభిమానులనే కాకుండా సినీ ప్రేమికులను కూడా ఉర్రూతలూగించింది. అసలు మాస్ అవతార్‌లో తారక్‌ని చూపించాడు అంటూ ఎన్టీఆర్ అభిమానులు కొరటాలపై ప్రశంసల వర్షం కురిపించారు. వచ్చే ఏడాది వేసవిని టార్గెట్‌గా పెట్టుకున్న ఈ సినిమా కూడా అదే స్పీడ్‌తో షూటింగ్‌ను పూర్తి చేస్తోంది.
తాజాగా ఈ చిత్రానికి సంబంధించిన మరో అప్‌డేట్‌ను మేకర్స్ ప్రకటించారు. ఈ చిత్రం భారీ యాక్షన్ సీక్వెన్స్‌ను పూర్తి చేసినట్లు చిత్ర బృందం వెల్లడించింది. బ్యాక్ టు బ్యాక్ షెడ్యూల్స్ తో చిత్ర యూనిట్ ఈ సినిమా షూటింగ్ ని శరవేగంగా పూర్తి చేస్తోంది.
సముద్రం నేపథ్యంలో తెరకెక్కుతున్న ఈ సినిమాలో తారక్ సరసన జాన్వీ కపూర్ నటిస్తుంది. ఆచార్యతో కోలుకోలేని దెబ్బ తిన్న కొరటాల శివ దేవరతో గ్రాండ్‌గా రీఎంట్రీ ఇవ్వాలని తహతహలాడుతున్నాడు. సైఫ్ అలీఖాన్ విలన్‌గా కనిపించనున్న ఈ చిత్రాన్ని యువసుధ ఆర్ట్స్, ఎన్టీఆర్ ఆర్ట్స్ బ్యానర్లు సంయుక్తంగా నిర్మిస్తున్నాయి.
It’s a wrap for an amazing action sequence. 🔥🔥🔥 #Devara https://t.co/rbA56sehLm
— Devara (@DevaraMovie) July 15, 2023