Ye Maaya Chesave Movie: సూపర్ స్టార్ మహేష్ బాబు త‌న కెరీర్‌లో ఎన్నో వైవిధ్య‌మైన సినిమాలు చేసి అశేష ప్రేక్ష‌కాద‌ర‌ణ పొందిన విష‌యం తెలిసిందే. ప్ర‌స్తుతం టాలీవుడ్ టాప్ హీరోల‌లో ఒక‌రిగా ఉన్న మహేష్ బాబు త్వ‌ర‌లో పాన్ ఇండియా స్టార్‌గా కూడా మార‌బోతున్నాడు.
ఆయ‌న ప్ర‌స్తుతం త్రివిక్ర‌మ్ ద‌ర్శక‌త్వంలో ఓ సినిమా చేస్తుండ‌గా, ఈ సినిమా త‌ర్వాత రాజ‌మౌళితో భారీ బ‌డ్జెట్ చిత్రం చేయ‌బోతున్నాడు. ఈ సినిమాని హాలీవుడ్ రేంజ్‌లో తెర‌కెక్కించ‌బోతున్న‌ట్టు తెలుస్తుంది. అయితే రోజురోజుకి మహేష్ త‌న క్రేజ్ పెంచుకుంటూ పోతున్నాడు. ఇదిలా ఉంటే తాజాగా మ‌హేష్‌కి సంబంధించిన ఓ ఆస‌క్తిక‌ర విష‌యం ఇప్పుడు హాట్ టాపిక్‌గా మారింది.
కారణం ఏంటి?
మహేష్ బాబు గురించి డైరెక్టర్ గౌతమ్ వాసుదేవ్ మీనన్ ఓ ఆస‌క్తిక‌ర విష‌యం తెలియ‌జేశారు. గౌతమ్ మీనన్ తెలుగు, త‌మిళంలో అద్భుత‌మైన సినిమాలు తెర‌కెక్కించి టాప్ డైరెక్ట‌ర్స్‌లో ఒక‌రిగా మారిన విష‌యం తెలిసిందే.
ఆయ‌న ఓ పక్క వరుసగా సినిమాలని తెరకెక్కిస్తూనే, మరోపక్క నటుడిగాను బిజీగా ఉన్నారు లవ్ స్టోరీస్, థ్రిల్లర్స్ కలిపి సరికొత్తగా తెరకెక్కించే గౌతమ్ మీనన్ రీసెంట్‌గా శింబు హీరోగా, సిద్ది ఇదాని హీరోయిన్ గా ‘వెందు తనిందదు కాడు’ అనే సినిమాని తెరకెక్కించారు.
‘ది లైఫ్‌ ఆఫ్‌ ముత్తు’ పేరుతో సెప్టెంబర్ 17న ఈ చిత్రం తెలుగులో రిలీజ్ అయింది. ఈ సందర్భంగా సినిమా ప్రమోషన్స్ నిర్వహిస్తుండ‌గా, ఏ మాయ చేశావే సీక్రెట్ ఒక‌టి రివీల్ చేశారు. ఈ చిత్రం అస‌లు మహేష్ బాబుతో చేయాల్సి ఉంది. ముందుగా క‌థ‌ని మంజుల‌కి వినిపించాను.
మహేష్ ఈ క‌థ‌ని చేయ‌డానికి ఇష్ట‌ప‌డ‌తాగో లేదో అని అంది.మ‌హేష్‌ని డైరెక్ట్‌గా క‌లిస్తే యాక్ష‌న్, క‌మర్షియ‌ల్ సినిమాలు చేద్దాం అని చెప్పి దీనిని రిజెక్ట్ చేశాడు అంటూ గౌతమ్ మీనన్ స్ప‌ష్టం చేశారు. ఇక డైరెక్టర్ గౌతమ్ వాసుదేవ్ నాగచైతన్యతోనే ఏమాయ చేసావే 2 తీస్తాను అని చెప్పడంతో ఇందులో క‌థ‌నాయిక‌గా ఎవ‌రు తీసుకుంటారు అని అంద‌రు ఆలోచిస్తున్నారు.
ఇవి కూడా చదవండి :
T20: టీమిండియా కొత్త జెర్సీ విడుద‌ల.. ఇందులో మూడు స్టార్స్ వెనుకు ఉన్న క‌హానీ ఏంటో తెలుసా?
Horoscope Today: 19-09-2022 సోమవారం రాశి ఫలాలు.. ఈ రాశి వారు కొన్ని స‌వాళ్లు ఎదుర్కొంటారు..