prabhas comments on rakesh master : సినీ ప్రపంచంలో డాన్స్ మాస్టర్ గా తనకంటూ ఓ ప్రత్యేక స్థానాన్ని ఏర్పరచుకున్న రాకేష్ మాస్టర్ ఎవరో ఈ జనరేషన్‌లో కొంతమందికి తెలియకపోవచ్చు. సినిమా ఇండస్ట్రీకి దూరంగా ఉన్న తర్వాత సోషల్ మీడియా ద్వారా ఎక్కువగా వైరల్ అయ్యాడు. కానీ ఇప్పుడు చాలా మందికి అతని గొప్పతనం గురించి తెలిసింది. రాకేష్ మాస్టర్ గురించి యంగ్ రెబెల్ స్టార్ ప్రభాస్ ఢీ షో లో మాట్లాడిన వీడియో ఇప్పుడు సామాజిక మాధ్యమాల్లో వైరల్ అవుతోంది.
కొరియోగ్రాఫర్‌గా రాకేష్‌కి ఎంతటి గుర్తింపు వచ్చిందో సినీ పరిశ్రమలో అందరికీ తెలిసిందే. కానీ కాలం ఎప్పుడూ ఒకేలా ఉండదు. కొన్నాళ్లుగా అవకాశాలు తగ్గిపోవడంతో రాకేష్ మాస్టర్ మద్యానికి బానిసయ్యాడు. రకరకాల కారణాలతో ఆయన డిప్రెషన్‌లో ఉన్నట్లు తెలుస్తోంది. ఆ బాధతోనే తట్టుకోలేక మద్యానికి అలవాటు పడాల్సి వచ్చిందని సన్నిహితులు తెలియజేశారు.
తన యూట్యూబ్ ఛానెల్‌లో క్రమం తప్పకుండా కనిపించే రాకేష్ మాస్టర్ కొన్నిసార్లు వివాదాస్పద వ్యాఖ్యలు చేశాడు. అయితే తాను ఏం చెప్పినా అబద్ధం చెప్పనని, నిజమే చెబుతానని ఇండస్ట్రీలో అందరి గురించి నాకు తెలుసునని ఇంటర్వ్యూలలో చెప్పాడు. చాలా సార్లు స్టార్ హీరోల ఫ్యాన్స్ కూడా రాకేష్ మాస్టర్ పై సీరియస్ అయ్యారు. అయితే ఆ తర్వాత మళ్లీ తన అభిమానులతో మాట్లాడి అందరినీ కలుపుతూ స్నేహంగా ఉండాలంటూ వీడియోలు విడుదల చేశాడు.
మరి రాకేష్ మాస్టర్ మరణించిన రోజే ఆయన గొప్పతనం ఏమిటో అందరికీ అర్థమైంది. ఒకప్పుడు జానీ మాస్టర్ , శేఖర్ మాస్టర్ లకు డ్యాన్స్ నేర్పించారు. రాకేష్ మాస్టర్ తరపున ఇండస్ట్రీలోకి అడుగుపెట్టిన సంగతి అందరికీ తెలిసిందే. అంతేకాదు రాకేష్ మాస్టర్ కూడా కొంతమంది స్టార్ హీరోలకు పర్సనల్ గా డ్యాన్స్ నేర్పించి, వాళ్ల ఇంటికి వెళ్లి కొన్నాళ్లు డ్యాన్స్ మాస్టర్ గా గడిపాడు.
రాకేష్ మాస్టర్ పై ప్రభాస్ వ్యాఖ్యలు:
ప్రస్తుతం రాకేష్ మాస్టర్ కు సంబంధించిన పలు రకాల వీడియోలు సోషల్ మీడియాలో వైరల్ అవుతున్నాయి. అయితే ఒకసారి ఢీ షోకి ప్రత్యేక అతిథిగా వచ్చిన ప్రభాస్ రాకేష్ మాస్టర్ గురించి మాట్లాడాడు. మొదట్లో ఇండస్ట్రీలోకి రాకముందు.. అందులో ఒకటి రెండు మూడు స్టెప్పులు వేసినా.. డ్యాన్స్ ఎలా చేయాలో తెలియదని, అయితే వాటన్నింటికీ ప్రధాన కారణం రాకేష్ మాస్టర్, శేఖర్ మాస్టర్లే. తనకు డ్యాన్స్ కూడా నేర్పించిన ఈ గురు శిష్యుల గురించి ప్రభాస్ గొప్పగా మాట్లాడాడు. ఇప్పుడు ఆ వీడియో సోషల్ మీడియాలో వైరల్ అవుతోంది.
click here to watch video : https://www.youtube.com/clip/Ugkxna-CWMDjP8Po98IYKB-n5NuuPY3cMV_5
Read more news :
Adipurush 4th Day Collections : కుప్పకూలిన ఆదిపురుష్ కలెక్షన్లు !?
Ban Adipurush Movie : ఆదిపురుష్ సినిమాను నిషేధించాలి.. ప్రధాని నరేంద్ర మోదీకి లేఖ