Robin Uthappa announces retirement : 36 ఏళ్ల టీం ఇండియా క్రికెటర్ రాబిన్ ఉతప్ప క్రికెట్‌లోని అన్ని ఫార్మాట్ల నుంచి రిటైర్ అవుతున్నట్లు బుధవారం ట్విట్టర్‌లో ప్రకటించాడు. టీమ్ ఇండియా, తన సొంత రాష్ట్రం కర్ణాటకకు ప్రాతినిధ్యం వహించడం గౌరవంగా భావిస్తున్నానని ఉతప్ప ట్వీట్‌లో పేర్కొన్నాడు. ప్రతిదానికీ ఏదో ఒక సమయంలో ముగింపు ఉంటుంది. కాబట్టి, నేను కూడా భారత క్రికెట్‌తో నా అనుబంధాన్ని ముగించాలని నిర్ణయించుకున్నాను’ అని ట్వీట్ చేశాడు.
తన 20 ఏళ్ల కెరీర్‌లో తనకు సహకరించిన వారందరికీ ధన్యవాదాలు తెలిపారు. అలాగే, తాను ప్రాతినిధ్యం వహించిన IPL జట్లకు (CSK, KKR, ముంబై ఇండియన్స్, RCB, పూణే వారియర్స్) ఉతప్ప ధన్యవాదాలు తెలిపాడు. ఉతప్ప తన IPL కెరీర్‌లో రెండుసార్లు IPL విజేత జట్టు (CSK, KKR)లో కీలక సభ్యుడిగా ఉన్నాడు.
It has been my greatest honour to represent my country and my state, Karnataka. However, all good things must come to an end, and with a grateful heart, I have decided to retire from all forms of Indian cricket.
Thank you all ❤️ pic.twitter.com/GvWrIx2NRs
— Robin Aiyuda Uthappa (@robbieuthappa) September 14, 2022
అతను 2006-15 మధ్య 46 ODI లు మరియు 13 T20Iలు ఆడాడు. వన్డేల్లో 6 హాఫ్ సెంచరీల సాయంతో 934 పరుగులు, టీ20ల్లో ఒక హాఫ్ సెంచరీ సాయంతో 249 పరుగులు చేశాడు. తన IPL కెరీర్‌లో, ఉతప్ప 205 మ్యాచ్‌లలో 130.3 స్ట్రైక్ రేట్‌తో 27 అర్ధ సెంచరీలతో 4952 పరుగులు చేశాడు. తన దూకుడు బ్యాటింగ్‌కు పేరుగాంచిన ఉతప్ప చాలా సందర్భాలలో వికెట్ కీపర్‌గా కూడా పనిచేశాడు. ఉతప్ప ప్రస్తుతం చెన్నై సూపర్ కింగ్స్ జట్టులో సభ్యుడు.