Prabhas : టాలీవుడ్‌లోని చాలా మంది స్టార్ హీరోలు మరియు అన్ని భాషా చిత్రాలకు సంబంధించిన హీరోలకు విలాసవంతమైన ఫామ్‌హౌస్‌లు ఉన్నాయి. వారు కథా చర్చల నుండి, షూటింగ్ విరామ సమయంలో విశ్రాంతి తీసుకోవడానికి ఫామ్‌హౌస్‌ని ఉపయోగిస్తారు. హీరోల ఫామ్‌హౌస్‌లు పార్టీలు మరియు ఇతర ఈవెంట్‌లకు అందుబాటులో ఉంటాయి.
చాలా మంది హీరోల మాదిరిగానే ప్రభాస్‌కు కూడా రాయదుర్గంలో ఫామ్హౌస్ ఉంది. ఒకప్పుడు నగరానికి దూరంగా రాయదుర్గం ఉండేది. నగర వాతావరణానికి దూరంగా ప్రభాస్ రాయదుర్గం ఫామ్హౌస్ ఉండేది. అయితే ఇప్పుడు రాయదుర్గం నగరం నడిబొడ్డుకు వచ్చింది. దాంతో ప్రభాస్ ప్రశాంతమైన వాతావరణాన్ని మిస్సయ్యాడు.
అందుకే ప్రభాస్ కొత్త ఫామ్ హౌస్ కట్టడం మొదలుపెట్టాడు. విశ్వసనీయ సమాచారం ప్రకారం.. ప్రభాస్, సిటీ నుంచి దూరంగా దాదాపు ఐదెకరాల భూమిని కొనుగోలు చేసినట్లు తెలుస్తోంది. హైదరాబాద్ నగరానికి దూరంగా ఉండటమే కాకుండా ఐదెకరాలలో ఉన్న కొండపై నుంచి చూస్తే హైదరాబాద్ మొత్తం కనిపిస్తుందట.
ప్రభాస్ ప్రస్తుతం అక్కడ చాలా ఖరీదైన ఫామ్‌హౌస్‌ని నిర్మిస్తున్నాడట. ఫామ్హౌస్ నిర్మాణం కోసం ప్రభాస్ భారీగా ఖర్చు చేస్తున్నాడని వార్తలు వస్తున్నాయి. తాజాగా ప్రభాస్ వరుస సినిమాలకు కమిట్ అయ్యాడు. ఒక్కో సినిమాకు 100 కోట్లకు పైగానే సంపాదిస్తున్నాడు. అతను ఫామ్హౌస్ కోసం ఎంత ఖర్చు చేస్తున్నాడో అర్థం చేసుకోవచ్చు.
ప్రభాస్ సినిమాల విషయానికి వస్తే ఆదిపురుష్ ఈ నెలలోనే జూన్ 16 న ప్రేక్షకుల ముందుకు రానుంది. మరో రెండు వారాల్లో సినిమా విడుదల కానుంది. అదే ఏడాది సలార్‌ని తీసుకురావడానికి ప్రశాంత్ నీల్ ఏర్పాట్లు చేస్తున్నారు. ఈ రెండు సినిమాలతో ప్రభాస్ 2023లో భారీ చిత్రాల హీరోగా నిలవడం ఖాయం.
ఆ రెండింటితో పాటు ప్రభాస్ ప్రాజెక్ట్ కె, మారుతి దర్శకత్వంలో ఓ సినిమాలోనూ నటిస్తున్నాడు. షూటింగ్‌లో ఉన్న రెండు చిత్రాలతో పాటు, ప్రభాస్ సిద్ధార్థ్ ఆనంద్ దర్శకత్వంలో స్పిరిట్‌తో బ్లాక్‌బస్టర్ యాక్షన్ చిత్రం కూడా చేయనున్నాడు. మరోవైపు హను రాఘవపూడి దర్శకత్వంలో ఓ సినిమా చేసేందుకు ప్రభాస్ ఓకే చెప్పినట్లు తెలుస్తోంది.
Prabhas : సీతారామం డైరెక్టర్ తో ప్రభాస్ సినిమా ? న్యూస్ వైరల్!
Prabhas: ప్రభాస్ ఫ్యాన్స్‌కి పూన‌కాలు తెప్పించే న్యూస్.. 70 దేశాల‌లో రికార్డ్ స్థాయిలో..!