Samantha: ఒక‌ప్పుడు టాలీవుడ్ క్రేజీ జంటగా ప్ర‌తి ఒక్క‌రి దృష్టిని ఆక‌ర్షించారు సమంత, నాగ చైతన్య. ఎంతో చూడ‌ముచ్చ‌టైన జంటగా అంద‌రి మ‌న‌సులు గెలుచుకున్న వీరు ప‌ట్టుమ‌ని నాలుగేళ్ల‌కే విడిపోతార‌ని ఎవరు అనుకోలేదు. నాగచైతన్య సమంత విడాకులు తీసుకున్న తర్వాత ప‌ర్స‌న‌ల్ విష‌యాల గురించి పెద్ద‌గా ఆలోచించ‌కుండా ఎవరు సినిమాలతో వారు బిజీగా గడుపుతున్నారు. ఈ మధ్యకాలంలో నాగచైతన్య కస్టడీ సినిమాతో ప‌ల‌క‌రించ‌గా, ఈ సినిమా ఫ్లాప్ గా నిలిచింది.
సమంత కూడా శాకుంతలం సినిమాతో ప్రేక్ష‌కుల ముందుకు వ‌చ్చిన‌ప్ప‌టికీ ఆ సినిమా కూడా అట్టర్ ఫ్లాప్ అయింది. ప్ర‌స్తుతం ప‌లు క్రేజీ ప్రాజెక్ట్స్ చేస్తూ బిజీగా ఉంది సామ్. తెలుగులో విజయ్‌దేవరకొండకు జంటగా ఖుషి అనే చిత్రం చేస్తుండ‌గా, ఈ మూవీ సెప్టెంబర్‌ 1న విడుదలకు రెడీ అవుతోంది. అలానే ప‌లు బాలీవుడ్ ప్రాజెక్ట్స్ కి సైన్ చేసిన‌ట్టు టాక్.
ఇప్పుడు చైన్నె స్టోరీ అనే హాలీవుడ్ చిత్రంలో కూడా నటించబోతోందని వార్త‌లు వ‌స్తున్నారు . అతి త్వరలో ఈ చిత్రం సెట్‌ పైకి వెళ్లనున్నట్లు తెలుస్తుండ‌గా, ఈ మూవీతో సమంత హాలీవుడ్ ఎంట్రీ ఇవ్వ‌నుంద‌ని అంటున్నారు. ఇక ఇదిలా ఉంటే సమంత త‌న మాజీ మరిది అఖిల్‌తో ఓ మూవీ చేయ‌నుంద‌ని ఓ టాక్ న‌డుస్తుంది. అఖిల్ అనే సినిమాతో నాగార్జున వార‌సుడు హీరోగా ఇండ‌స్ట్రీలోకి అడుగుపెట్టాడు.
వైవిధ్య‌మైన సినిమాలు చేస్తున్న‌ప్ప‌టికీ అవి ప్రేక్ష‌కుల‌ని అల‌రించ‌లేక‌పోతున్నాయి. రీసెంట్ గా వ‌చ్చిన ఏజెంట్ చిత్రం కూడా దారుణంగా దెబ్బ కొట్టింది. ఇక ఈ సారైన ఇండ‌స్ట్రీని షేక్ చేసే హిట్ కొట్టాల‌ని క‌సితో ఉన్నాడు. అత‌నికి స్టార్ హీరో రేంజ్ ఎదిగే లక్షణాలు పుష్కలంగా ఉన్నప్పటికీ సరైన స్క్రిప్ట్ సెలక్షన్ లేక ఇలా కెరీర్ మొత్తాన్ని నాశనం చేసుకుంటున్నాడని కొంద‌రు విశ్లేష‌కులు చెప్పుకొస్తున్నారు.
అఖిల్ త‌ర్వాతి చిత్రం ‘ధీర’కాగా, ఈ చిత్రం భారీ బ‌డ్జెట్‌తో తెర‌కెక్క‌బోతున్న‌ట్టు తెలుస్తుంది. యూవీ క్రియేషన్స్ బ్యానర్ పై ఈ చిత్రం రూపొంద‌నుండ‌గా, మెగా పవర్ స్టార్ రామ్ చరణ్ కూడా ఈ చిత్రంకి కొంత పెట్టుబ‌డి పెట్ట‌బోతున్నార‌ట. అనిల్ కుమార్ అనే నూతన దర్శకుడు ఈ సినిమా ద్వారా ఇండస్ట్రీ కి పరిచయం కాబోతున్నాడు.
ఈయన గతం లో ప్రభాస్ హీరో గా నటించిన సాహో మరియు రాధే శ్యామ్ చిత్రాలకు అసోసియేట్ డైరెక్టర్ గా పనిచేసి ఇప్పుడు ద‌ర్శ‌కుడిగా త‌న స‌త్తా చూపించుకోవాల‌ని అనుకుంటున్నాడు. అయితే ఇప్పుడు ఈ సినిమాకి సంబంధించిన క్రేజీ రూమ‌ర్ హాట్ టాపిక్ అయింది. ఇక ఈ చిత్రం లో అఖిల్ మాజీ వదిన సమంత కూడా క‌నిపించ‌నుందని సమాచారం.
నాగ చైతన్య తో విడాకులు తీసుకున్న తర్వాత కూడా సమంత అఖిల్ తో స్నేహం గానే ఉంటూ వ‌స్తుంది. ఈ క్ర‌మంలోనే సమంత … అఖిల్ చిత్రంలో న‌టించ‌నుంద‌ని అంటున్నారు. అయితే ఆమె హీరోయిన్ గా నటిస్తుందా, లేదా ఏమైనా ముఖ్య పాత్ర పోషిస్తుందా అనే దానిపై క్లారిటీ రావ‌ల‌సి ఉంది.
read more :
Raashi Khanna Latest Hot Photos 28.05.2023 | iifa awards 2023