Rana: బాహుబ‌లి సినిమాతో రానా పాన్ ఇండియా స్టార్‌డం సంపాదించాడు. ఇటీవల వెంక‌టేష్ తో క‌లిసి రానా నాయుడు అనే వెబ్ సిరీస్‌తో ప్రేక్ష‌కుల‌ని ప‌ల‌క‌రించాడు. అయితే కొన్ని నెలులుగా రానా సినిమాలు చేయ‌డం చాలా త‌గ్గించారు. రానా న‌టించిన చివ‌రి చిత్రం విరాట ప‌ర్వం కాగా, త‌దుప‌రి సినిమాల‌పై అనౌన్స్‌మెంట్ కోసం అభిమానులు ఎదురు చూస్తున్నారు. అస‌లు రానా ఎందుకు ఈ మ‌ధ్య సినిమాలు ఎక్కువ చేయ‌డం లేద‌ని చర్చ‌లు న‌డుస్తుండ‌గా, రానా తండ్రి కాబోతున్నాడ‌ని, అందుకే సినిమాల్లో నటించడం తగ్గించాడ‌ని కొందరు సోషల్ మీడియాలో పోస్టులు పెట్టడం చేశారు.
వీటిపై రానా స‌తీమణి మహికా స్పందించారు. మీరనుకున్న‌ది త‌ప్పు. తాను ప్రస్తుతం గర్భవతిని కాదని తేల్చి చెప్పింది మిహికా బ‌జాజ్. ఇక రానా కూడా రంగంలోకి దిగి మిహికాకు తోడు ఉండాలనే ఉద్దేశంతోనే సినిమాల్లో నటించడం కాస్త త‌గ్గించానంటూ చెప్పుకు రావ‌డంతో అభమానుల‌కి ఓ క్లారిటీ వ‌చ్చింది. అయితే ఆ మ‌ధ్య రానా దంప‌తులు అనాథ పిల్ల‌ల‌ని ద‌త్త‌త తీసుకోబోతున్న‌ట్టు ప్ర‌చారాలు జ‌రిగిన విష‌యం తెలిసిందే. దీనిపై క్లారిటీ అయితే రాలేదు.