Keerthy Suresh: మహానటి సినిమాతో తన టాలెంట్ చూపించిన కీర్తి సురేష్ రీసెంట్‌గా ద‌స‌రా చిత్రంతో పెద్ద హిట్ కొట్టింది. ప్రస్తుతం తెలుగుతో పాటు త‌మిళ సినిమాలు కూడా చేస్తుంది. అయితే ఈ అమ్మ‌డు ఓ వీడియో పోస్ట్ చేసి షాకిచ్చింది. ఈ వీడియోలో కీర్తి ముఖంపై గాయాలు క‌నిపించాయి. ఎడమ కంటికి కూడా పెద్ద గాయమైనట్లుగా ఈ వీడియో స్పష్టం చేస్తోంది. దీంతో క్షణాల్లో ఈ వీడియో వైరల్ గా మారింది. అయితే తన అభిమానులను ఎక్కువగా టెన్షన్ పెట్టకుండా అసలు విషయం చెప్పుకొచ్చింది మహానటి.
తాను గతంలో నటించిన సాని కాయిదం సినిమా కోసం ఇలా మేకప్ అయినట్లు ఆమె పేర్కొంది. కీర్తి సురేష్, డైరెక్టర్ సెల్వ రాఘవన్ ప్రధాన పాత్రల్లో ఈ సాని కాయిదం మూవీ తెర‌కెక్క‌గా 2022 మే 6న అమెజాన్ ప్రైమ్ లో ఈ సినిమా వచ్చింది. అయితే ఈ మూవీ వచ్చి ఏడాది అయిన సందర్భంగా షూటింగ్ కు సంబంధించిన వీడియో, ఫోటోస్ తన సోషల్ మీడియాలో షేర్ చేసింది. మూవీ షూటింగ్ స‌మ‌యంలో తాను పడిన కష్టాలను వివరిస్తూ నోట్ రాసింది. ప్రస్తుతం ఈ పోస్ట్ నెట్టింట వైరల్ అవుతోంది. అయితే సానికాయుధం సినిమాలో కీర్తి సురేష్ పాత్ర చాలా కొత్తగా, క్రూయల్ గా ఉంటుంది. తనని సామూహికంగా అత్యాచారం చేసిన వారిపై రీవెంజ్ తీర్చుకునే అమ్మాయిగా అద్భుత‌న న‌ట‌న క‌న‌బ‌ర‌చింది.