Adipurush: యంగ్ రెబ‌ల్ స్టార్ ప్రభాస్ ప్ర‌స్తుతం న‌టిస్తున్న క్రేజీ చిత్రాల‌లో ఆదిపురుష్ చిత్రం ఒక‌టి. పాన్ ఇండియా బాక్సాఫీస్ వద్ద మోస్ట్ అవైటెడ్ గా వస్తున్న ఈ చిత్రానికి బాలీవుడ్ డైరెక్టర్ ఓంరౌత్ తెరకెక్కించ‌గా, ఈ సినిమా జూన్ 16న ఆడియన్స్ ముందుకు రానుంది. రామాయణ ఇతిహాసం ఆధారంగా వస్తున్న ఈ మూవీలో రాముడిగా ప్రభాస్.. సీత పాత్రలో కృతి సనన్.. రావణుడిగా సైఫ్ అలీ ఖాన్ ముఖ్య పాత్ర‌ల‌లో క‌నిపించ‌నున్నారు. ఇప్పటికే విడుదలైన టీజర్ ప్రేక్షకులకు నిరాశ పర‌చ‌డంతో మూవీ దర్శకుడిపై తీవ్రస్థాయిలో విమర్శలు వెల్లువెత్తాయి.
ఈ క్ర‌మంలో మూవీకి సంబంధించి మ‌ళ్లీ ప‌నులు మొదలు పెట్టారు. ఇక సినిమా రిలీజ్ ద‌గ్గ‌ర‌ప‌డుతుండ‌డంతో ప్ర‌మోష‌న్స్ మొదలు పెట్టిన మేక‌ర్స్ నిన్న పోస్ట‌ర్ విడుదల చేశారు. ఇందులో విల్లు పట్టుకొని నిలువెత్తు రామ దర్శనం అందరినీ కట్టి పడేసింది. దీనితో ఇలాంటి పోస్టర్స్ ని ముందే గాని రిలీజ్ చేసి ఉంటే హైప్ ఇంకో లెవెల్లో ఉండేది అని అంద‌రు భావిస్తున్నారు. ఇక ఫస్ట్ సింగిల్ అప్డేట్ కోసం ఆత్రుతగా ఎదురుచూస్తున్న ప్రేక్షకులకు మేక‌ర్స్ అయితే సడెన్ సర్ ప్రైజ్ ఇచ్చారు . కాసేపటి క్రితం ఈసినిమా నుంచి మొదటి పాట చిన్న బిట్ ను విడుదల చేయ‌గా, ఇది కూడా సంగీత ప్రియుల‌ని ఎంత‌గానో ఆక‌ట్టుకుంటుంది.