Adipurush: బాహుబ‌లి త‌ర్వాత ప్రభాస్ ఒక్క హిట్ కూడా కొట్టింది లేదు. ఆయ‌న న‌టించిన ఆదిపురుష్ చిత్రం త్వ‌ర‌లో విడుద‌ల కానుండ‌గా, ఈ సినిమాపై దారుణ‌మైన ట్రోల్స్ న‌డుస్తున్నాయి. ఆదిపుష్ టీజర్ రిలీజ్ ముందు దీనిపై చాలా ఊహించుకున్నారు. కాని ఆ తరువాత ఆడియన్స్ కిక్క్ అంతా… ఒక్క సారిగా దిగిపోయింది.
బొమ్మలాటలా చేసి టీజర్ ను వద‌ల‌డంతో ప్రభాస్ ఫ్యాన్స్… ఆదిపురుష్ మేకర్స్ పై మండిపడ్డారు. అటు ప్రభాస్ కూడా ఈ విషయంలో కోపంగా ఉన్నట్టు వార్త‌లు వ‌చ్చాయి. ఇటీవ‌ల ఆదిపురుష్ పోస్ట‌ర్ విడుద‌ల కాగా, దానిపై కూడా వివాదం న‌డిచింది. ఇక తాజాగా ప్రతీక్ అనే ఓ కాన్సెప్ట్ ఆర్టిస్ట్ డిజైనర్ ఆదిపురుష్ టీం తన డిజైన్స్ ని, డ్రాయింగ్స్ ని కాపీ కొట్టిందంటూ ఆరోప‌ణ‌లు చేశారు.
Prabhas : ప్రాజెక్ట్ కె క్రేజీ అప్డేట్‌.. ప్రభాస్ ఫ్యాన్స్‌కి పూన‌కాలే
కాన్సెప్ట్ ఆర్టిస్ట్ ప్రతీక్ సంఘర్ తను గీసిన కొన్ని రాముడి ఫోటోలను సోషల్ మీడియాలో షేర్ చేస్తూ.. రామాయణంలో శ్రీరాముడిని నా ఊహల్లో కొత్తగా రూపొందించుకుని.. సరికొత్త రాముడి బొమ్మలు గీశానని చెప్పుకొచ్చాడు. అయితే ఏడాది క్రితం ఆదిపురుష్ టీంలో పనిచేసే ఆర్టిస్ట్ టీపీ విజయన్ నాతో ఉన్న పరిచయంతో నా ద‌గ్గ‌ర ఆర్ట్ ని కాపీ కొట్టారు. నా అనుమతి లేకుండా ఆదిపురుష్ కు వాడారు అంటూ ఆగ్ర‌హం వ్య‌క్తం చేసారు. మ‌రి ఈ వివాదంపై ఆదిపురుష్ టీం ఏం స్పందిస్తుందా అనేది చూడాలి.