Pawan Kalyan: తెలంగాణ మంత్రి మల్లారెడ్డి సంచలన కామెంట్స్ చేస్తూ ఎప్పుడు వార్త‌ల‌లో నిలుస్తూ ఉంటాడు. పలు సినిమా వేదిక‌ల‌పై కాలేజ్ ఫంక్ష‌న్స్ లో ఆయన చేసే కామెంట్స్ నెట్టింట చ‌ర్చ‌నీయాంశంగాను మారుతుంటాయి.
రీసెంట్‌గా మేం ఫేమ‌స్ అనే సినిమా టీజ‌ర్ రిలీజ్ ఈవెంట్‌కు మంత్రి మల్లా రెడ్డి ముఖ్య అతిథిగా హాజ రు కాగా, ఆ స‌మ‌యంలో ఆయన ఆస‌క్తిక‌ర కామెంట్స్ చేశారు. ద‌ర్శుడు హ‌రీష్ శంక‌ర్ రీసెంట్‌గా మా ఇంటికి వ‌చ్చారు. పవన్ కళ్యాణ్ సినిమాలో విల‌న్‌గా న‌టించ‌మ‌ని నన్ను గంట‌న్న‌ర సేపు బ‌తిమలాడాడు.
ప్ర‌స్తుతం తెలుగు రాష్ట్రాల్లో అంతా మీ హ‌వా న‌డుస్తుంది. మా పవన్ కళ్యాణ్ సినిమాలో విల‌న్‌గా న‌టించండి అని అడిగితే నేను న‌టించ‌న‌ని చెప్పేశాను అని పేర్కొన్నారు మల్లా రెడ్డి. ఇప్పుడు మల్లారెడ్డి పవన్ సినిమాలో విల‌న్‌గా న‌టించ‌న‌న‌ని చెప్పిన మాట‌లు నెట్టింట మాత్రం తెగ వైరల్ అవుతున్నాయి.
I rejected villain role in Pawan Kalyan & Harish Shankar movie. – Malla Reddy, Telangana Minister at #MemFamous Teaser Launch pic.twitter.com/4n8uEqpKIa
— Aakashavaani (@TheAakashavaani) March 26, 2023
పవన్ కళ్యాణ్ హీరోగా హ‌రీష్ శంక‌ర్ ద‌ర్శ‌క‌త్వంలో రూపొందుతున్న చిత్రం ఉస్తాద్ భ‌గ‌త్ సింగ్ కాగా, త్వ‌ర‌లోనే ఈ సినిమా షూటింగ్ ప్రారంభం కానుంది. ఇప్ప‌టికే హ‌రీష్ శంక‌ర్ ఈ సినిమాకి సంబంధించిన ప్రీ ప్రొడ‌క్ష‌న్ కార్య‌క్ర‌మాలు పూర్తి చేయ‌గా, త్వ‌ర‌లోనే చిత్రాన్ని సెట్స్ పైకి తీసుకెళ్ల‌నున్నాడు.