Prabhas : అన్స్టాపబుల్ సీజన్ 1 కి అద్భుతమైన రెస్పాన్స్ వచ్చిన తర్వాత ఆహా ఇటీవలే సీజన్ 2 ని ప్రారంభించింది. ఈ మధ్య కాలంలో ఈ టాక్ షోకి చాలా క్రేజ్ ఏర్పడింది. ఈ టాక్ షో మొదటి ఎపిసోడ్ నుండి మంచి వ్యూయర్‌షిప్ పొందుతోంది. నందమూరి బాలకృష్ణ హోస్ట్‌గా వ్యవహరిస్తున్న ‘అన్స్టాపబుల్ సీజన్-2’ ఇప్పుడు డబుల్ బ్యాంగ్‌తో వస్తోంది.సినీ ప్రముఖుల నుంచి రాజకీయ నాయకుల వరకు అందరితో బాలయ్య చేసే అల్లరి ప్రేక్షకులను ఆనందపరుస్తుంది. ఇదిలా ఉంటే గత కొన్ని రోజులుగా ఈ టాక్ షోకి ప్రభాస్ వస్తున్నాడానే వార్తలు వినిపిస్తున్న సంగతి తెలిసిందే. ఇదే నిజాన్ని ఆహా సంస్థ అధికారికంగా ప్రకటించింది.
బాహుబలి ఎపిసోడ్ త్వరలో ప్రసారం కానుందని ప్రభాస్, బాలకృష్ణ సినిమాల్లోని కొన్ని సన్నివేశాలతో కూడిన వీడియోను విడుదల చేసింది. ఇప్పుడు ఈ వీడియో వైరల్‌గా మారింది. ప్రభాస్ తో పాటు గోపీచంద్ కూడా వస్తాడని సమాచారం. ఈ షోకి ప్రభాస్ వస్తుండటంతో బాలయ్య ఎలాంటి విషయాలు అడుగుతాడోనని ప్రేక్షకుల్లో ఉత్కంఠ నెలకొంది. అలాగే ప్రభాస్-గోపీచంద్ స్నేహం గురించి బాలయ్య చాలా విషయాలు అడుగుతాడని అంటున్నారు. ఆదివారం షూటింగ్ జరుపుకుంటున్న ఈ ఎపిసోడ్ ను క్రిస్మస్ కానుకగా రిలీజ్ చేసేందుకు ప్లాన్ చేసిన సంగతి తెలిసిందే.
ప్రభాస్-గోపీచంద్ తొలిసారి కలిసి నటించిన చిత్రం ‘వర్షం’. అప్పటి నుంచి వీరి స్నేహం కొనసాగుతోంది. ప్రభాస్ తన బెస్ట్ ఫ్రెండ్ అని గోపీచంద్ చాలా ఇంటర్వ్యూలలో చెప్పాడు. మరి వీరిద్దరూ కలిసి తొలిసారిగా ఓ టాక్ షోకి రావడంతో ప్రేక్షకుల్లో విపరీతమైన ఆసక్తి నెలకొంది. ప్రస్తుతం ప్రభాస్ వరుస పాన్ ఇండియా ప్రాజెక్ట్స్ తో బిజీగా ఉన్నాడు. ఇక గోపీచంద్ కూడా తన ప్రాజెక్ట్స్‌తో బిజీగా ఉన్నాడు.
The Bahubali episode #Unstoppable Season 2 is coming soon 😉
Watch out for more updates ✌🏻#UnstoppableWithNBKS2 #NBKOnAHA #NandamuriBalakrishna @PrabhasRaju #NBKWithPrabhas #MansionHouse @tnldoublehorse @realmeIndia @Fun88India #ChandaBrothers @sprite_india pic.twitter.com/yDW1T5NypP— ahavideoin (@ahavideoIN) December 11, 2022